Jumba Kuu la Makumbusho la Misri lazindua onesho la mazingira halisi ya mwanga wa "Jua la Milele" (4)

Onesho la mazingira halisi ya mwanga na sauti lenye kichwa "Jua la Milele" likifanyika kwenye Jumba Kuu la Makumbusho la Misri huko Giza, Misri, tarehe 1 Novemba 2026. (Xinhua/Ahmed Gomaa)

CAIRO – Jumba Kuu la Makumbusho la Misri (GEM) limezindua onesho la mazingira halisi ya mwanga na sauti lenye kichwa "Jua la Milele" jana Jumapili, likiwapa watembeleaji njia mpya ya kujionea ustaarabu wa kale wa nchi hiyo kwa kutumia teknolojia ya kisasa ya picha na sauti.

Uzinduzi huo umefanyika wakati jumba hilo la makumbusho likiadhimisha mwaka mmoja tangu kufunguliwa rasmi.

Onesho hilo linalochukua dakika 35 linawapeleka wageni katika safari ya kuona na kusikia ya historia ya Misri ya kale. Limechochewa na mizunguko ya kiasili kama vile kuchomoza na kuzama kwa jua, mafuriko ya kila mwaka ya Mto Nile, na misimu ya mavuno—mambo ambayo yalijenga uhusiano kati ya Wamisri wa kale na mazingira yao ya asili.

Ahmed Ghoneim, Mkurugenzi Mtendaji wa GEM, amesema onesho hilo kuwa ni sehemu ya juhudi za jumba hilo la makumbusho za kuwasilisha maudhui kuhusu akiolojia, kiutamaduni, na kihistoria kupitia mbinu bunifu.

Ameongeza kuwa onesho hilo litaendelea kwa miezi sita, hadi tarehe 30 Aprili 2027.