Kiasi cha mizigo inayosafirishwa kupitia Mfereji wa Pinglu mkoani Guangxi, China, kimezidi tani milioni moja

Tarehe 21 Oktoba 2026, picha zilizopigwa kwa droni zinaonyesha meli za mizigo zikipita katika kituo cha Madao cha Mfereji wa Pinglu wa Mkoa unaojiendesha wa Kabila la Wazhuang wa Guangxi, China. (Xinhua/Zhou Hua)

Tangu Mfereji wa Pinglu ulipoanza kutumika tarehe 16 Septemba, kiasi cha mizigo inayosafirishwa kupitia mfereji huo kimezidi tani milioni moja.

Mfereji huu wenye urefu wa kilomita 134.2 unatoka Nanning, mji mkuu wa Mkoa unaojiendesha wa Kabila la Wazhuang wa Guangxi, hadi Ghuba ya Beibu, ambayo ni lango la bahari lililo karibu zaidi kwa maeneo ya kusini-magharibi mwa China.

Mfereji huu unafuata Ushoroba Mpya wa Biashara ya Kimataifa ya Baharini na Nchi Kavu wa Magharibi mwa China, ambao ni njia ya biashara ya kimkakati inayounganisha maeneo ya ndani ya China na ASEAN pamoja na masoko mengine duniani. Mfereji wa Pinglu ni mradi wa kwanza wa mfereji unaounganisha mito na bahari uliopangwa na kuratibiwa kwenye ngazi ya serikali tangu kuanzishwa kwa Jamhuri ya Watu wa China mwaka 1949.