Zheng Qinwen ashinda taji la kwanza la WTA 1000 kwenye mashindano ya tenisi ya China Open (6)

Zheng Qinwen akipiga picha na kombe kwenye hafla ya kukabidhi tuzo baada ya fainali ya mchezaji mmoja dhidi ya mmoja kwa wanawake kati ya Zheng Qinwen wa China na Mirra Andreeva wa Russia katika mashindano ya tenisi ya China Open 2026 mjini Beijing, China, Oktoba 11, 2026. (Xinhua/Sun Fei)

BEIJING – Mcheza tenisi wa China Zheng Qinwen amenyakua taji la mchezaji mmoja dhidi ya mmoja kwa wanawake katika mashindano ya China Open 2026 jana Jumapili mjini Beijing, akimshinda mcheza tenisi wa Russia mwenye nafasi ya nne katika mashindano hayo Mirra Andreeva kwa seti 7-5, 6-4 kwenye fainali na kutwaa taji lake la kwanza la WTA 1000 kabla ya kububujikwa machozi wakati wa ushangiliaji uliokuwa umejaa hisia katika ardhi ya nyumbani.

"Hisia ni ya aina yake. Kushinda hapa Beijing, mbele ya umati wa nyumbani kwangu, wakati wote imekuwa moja ya ndoto zangu," Zheng alisema baada ya mechi.

Ushindi huo pia umemfanya Zheng kuwa mchezaji wa kwanza wa China kushinda taji la mchezaji mmoja dhidi ya mmoja kwenye michuano ya China Open.

"Mechi ya leo ilikuwa ngumu sana. Mirra ni mchezaji mzuri, na alivunja uanzishaji wangu kupiga mpira mwanzoni tu baada ya kuanza," Zheng amesema. "Ilinibidi nichukue pointi moja kwa kila baada ya muda fulani na kuendelea kujiambia kuning'inia pale na kamwe nisikate tamaa. Baada ya kucheza mechi nyingi, nilikuwa nimechoka kimwili na kiakili. Lakini kucheza mbele ya umati wa nyumbani kwangu kumenipa nguvu hiyo ya ziada ya kuendelea kusonga mbele."

"Ninataka kumpongeza Mirra kwa mafanikio yake bora katika Roland Garros mwaka huu. Sijawahi kupata nafasi ya kukupongeza kibinafsi, kwa hivyo nataka kufanya hivyo sasa. Hongera kwa kufika fainali wiki hii pia. Wewe ni mchezaji kijana na mwenye kipaji, na pongezi kwako na kwa timu yako kwa kila kitu ambacho umefanikisha," aliongeza.

Tangu ashinde medali ya dhahabu katika Michezo ya Olimpiki ya Paris 2024, jeraha sugu la kiwiko cha mkono wa kulia limetatiza maendeleo ya Zheng kimichezo na kuhitaji kufanyiwa upasuaji Julai 2025. Nafasi yake kwenye viwango duniani ilishuka kutoka No. 4 ya juu katika maendeleo yake ya kimichezo mwaka 2024 hadi No. 160 katikati ya Juni 2026.

"Ninataka kuishukuru timu yangu kwa kuniunga mkono katika safari hii yote. Nimepitia mwaka mgumu sana, na nisingeweza kufanya hivi bila nyie. Mwisho kabisa, nataka kuwashukuru wafadhili wote, waamuzi, na wafanyakazi wote ambao wamefanya kazi kwa bidii kwa wiki nzima. Na asante kwa mashabiki wote kwa uungaji mkono wenu wa aina yake. Taji hili ni lenu wote pia!”

Ushindi huo umempa Zheng pointi 1,000 za nafasi ya viwango duniani na dola 1,151,380 za Kimarekani katika zawadi ya pesa, na kumpandisha hadi No. 23 katika viwango vya kutangazwa moja kwa moja mtandaoni vya WTA.