Xu Mengtao wa China atetea ubingwa katika mchezo wa kuruka hewani kwa wanawake huko Milan-Cortina

Xu Mengtao akionesha medali ya dhahabu aliyoinyakua katika hafla ya kutunukia medali kwenye Michezo ya Olimpiki ya Majira ya Baridi ya Milan-Cortina Mwaka 2026 huko Livigno, Italia, Februari 18, 2026. (Xinhua/Zhang Hongxiang)

LIVIGNO — Bingwa mtetezi wa Olimpiki kutoka China, Xu Mengtao, amehitimisha mara yake ya tano ya kushiriki kwenye Michezo ya Olimipiki ya Majira ya Baridi kwa kunyakua medali ya dhahabu siku ya Jumatano, akiwa bingwa wa mchezo wa kuteleza kwenye theluji kwa vitendo huria na kuruka hewani kwa wanawake (freestyle skiing women's aerials) katika Olimpiki ya Milan-Cortina.

Xu, mwenye umri wa miaka 35, alipata alama 112.90 na kujihakikishia ubingwa. Danielle Scott wa Australia alijinyakulia medali ya fedha kwa alama 102.17, huku Shao Qi wa China akishinda medali ya shaba kwa alama 101.90.