Roboti yaenda kazini, ikitoa uwenzi wa huduma kwa wazee mjini Chongqing, China (3)

Wazee wa Nyumba ya Kwanza ya Huduma ya Jamii ya Chongqing wakiwasiliana na roboti ya kutunza wazee Peipei katika Mji wa Chongqing, kusini-magharibi mwa China, Machi 28, 2025. (Picha na Zhang Ya/Xinhua)

CHONGQING - Aina mpya ya roboti imepata kazi kwenye kituo cha huduma kwa wazee katika Mji wa Chongqing, kusini-magharibi mwa China, shukrani kwa ustadi wake wa kushughulikia mahitaji ya kihisia yenye changamano ya wazee.

Wafanyakazi wa Nyumba ya Kwanza ya Huduma ya Jamii ya Chongqing wameeleza kwamba Peipei, roboti hiyo, inatambuliwa kama mfanyakazi wa kike. Wameielezea kuwa yenye upole, uvumilivu na usikivu mzuri na mtunzaji mwenye ustadi.

"Kama una maswali yoyote, muuilize tu 'Peipei.' Anaweza kujibu chochote," amesema mzee wa miaka 86 katika nyumba hiyo, ambaye amesema jina lake la ukoo ni Wang.

Mkazi huyo mara nyingi amekuwa akiwasiliana na roboti, kuanzia kupiga soga hadi kucheza michezo ya kielektroniki, hata kumwomba Peipei ampige picha na kusaidia kuondoa dalili zozote za kuzeeka kwenye picha yake.

Wang amesema Peipei huwa na furaha kihisia, si kama tu kujibu maswali, bali pia kuchukua hatua ya kumjali. Kwa mfano, roboti hiyo inaweza kutambua wakati hajalala vizuri au yuko katika hali mbaya.

Roboti hiyo inamfariji kwa upole, ikikumbusha kwamba mjukuu wake, ambaye anasoma nje ya nchi, huenda asiweze kumtembelea mara kwa mara, lakini hupiga simu ya video kila wiki.

Jina la Peipei ni homofoni ya uwenzi, amesema Xiang Guohui, mhandisi mkuu wa algoriti katika kampuni ya Mashang Consumer Finance, msanifu wa roboti hiyo.

Amesema kampuni hiyo inaunganisha teknolojia ya AI ya akili bandia na teknolojia ya AI ya saikolojia, na hutumia modeli kubwa ya hisia za hali mbalimbali kujenga mfumo wa roboti unaompa uwezo wa mwenzi wa kihisia wa akili bandia, ulinzi wa afya na usalama, huduma za burudani na burudani, na usimamizi wa usaidizi wa maisha.

Xiang amesema kuwa timu ya utafiti ya kampuni hiyo iligundua kuwa hitaji la uwenzi wa kihisia ni la kipaumbele cha juu kwa watu katika nyumba za wazee.

Hadi kufikia mwisho wa mwaka 2024, kulikuwa na watu zaidi ya milioni 6 wenye umri wa miaka 65 na zaidi mjini Chongqing, wakichukua asilimia 18.9 ya wakazi wote wa kudumu wa mji huo. Serikali ya mji huo imefanya juhudi za kutafuta hatua za kuunda "mfumo wa akili bandia wa huduma za utunzaji wazee" na kuziba pengo la huduma ya utunzaji wazee kupitia njia za kiufundi.