China yarusha satelaiti ya Zhongxing-1E kwenye anga ya juu

Roketi iliyoboreshwa ya Long March-7 iliyobeba setilaiti mpya, Zhongxing-1E, ikirushwa kutoka kwenye Eneo la Kurusha vyombo kwenda anga ya juu la Wenchang, Mkoa wa Hainan, Kusini mwa China, Septemba 13, 2022. Setilaiti ya Zhongxing-1E imeingia kwenye obiti iliyopangwa kwa mafanikio. (Xinhua/Yang Guanyu)

WENCHANG, Hainan - China siku ya Jumanne imefanikiwa kutuma setilaiti mpya kwenye anga ya juu kutoka kwenye Eneo la Kurusha vyombo kwenda anga ya juu la Wenchang katika Mkoa wa Kisiwa wa Hainan ulioko Kusini mwa nchi hiyo.

Satelaiti hiyo, Zhongxing-1E, imerushwa saa 9:18 alasiri. (Saa za Beijing) kwa kutumia roketi iliyoboreshwa ya Long March-7 na kuingia kwenye obiti iliyopangwa kwa mafanikio. Satelaiti hiyo itatoa huduma za kiwango cha juu za sauti, data, redio na televisheni.

Hii ni misheni ya 437 kwenye anga ya juu kwa roketi za kubeba za safu ya Long March.