Rasimu ya sheria ya China inataka kuwepo kwa mfumo wa kimataifa wa kupambana na ufisadi ulio wa haki na wenye usawa

Bunge la Umma la China limeanza kujadili rasimu ya sheria inayolenga kupambana na ufisadi wa kuvuka mipaka, ikiwa ni pamoja na kifungu cha kuhimiza ujenzi wa mfumo wa kimataifa wa kupambana na ufisadi ulio wa haki na wenye usawa.

Rasimu hiyo iliwasilishwa kwa ajili ya usomaji wa pili katika kikao cha Kamati ya Kudumu ya Bunge la Umma la Taifa (NPC) kitakachoendelea hadi Ijumaa.

Rasimu hiyo inafafanua madhumuni ya sheria hiyo na kuimarisha kanuni zinazoongoza juhudi za kupambana na ufisadi wa kuvuka mipaka. Rasimu pia inaeleza kuwa juhudi hizo lazima zifanyike kwa kuzingatia kikamilifu sheria na katiba, kufuata taratibu zilizowekwa kisheria, pamoja na kuheshimu na kulinda haki za binadamu.