Rais wa Botswana asema uhusiano kati ya nchi yake na China umepanda ngazi na kuingia kipindi kipya cha urafiki wa kudumu

Rais wa Botswana Duma Gideon Boko amesema uhusiano kati ya nchi yake na China umepanda ngazi na kuwa uhusiano wa wenzi na ushirikiano wa kimkakati kwa pande zote, na kuanza kipindi kipya cha urafiki wa kudumu.

Rais Boko amesema hayo baada ya kumaliza ziara yake ya kwanza ya kitaifa nchini China na kurudi Gaborone, mji mkuu wa Botswana.

Rais Boko amesema kupanda kwa ngazi ya uhusiano kati ya Botswana na China kumeweka msingi imara zaidi kwa ushirikiano kati ya pande hizo mbili katika sekta za biashara, madini, kilimo, afya, elimu, teknolojia ya kidijitali na miundo mbinu.

Pia ameongeza kuwa Botswana iko tayari kushirikiana na China katika kuoanisha mikakati ya maendeleo, na kwamba inakaribisha makampuni mengi zaidi ya China kuwekeza nchini Botswana.