Mazungumzo na ushirikiano kati ya China na Marekani yanatoa nafasi kubwa zaidi ya maendeleo kwa dunia: Afisa wa zamani wa AU

Naibu mwenyekiti wa zamani wa Kamisheni ya Umoja wa Afrika Erastus Mwencha amesema, umuhimu wa ziara ya Rais Xi Jinping wa China nchini Marekani unaenda mbali zaidi ya uhusiano kati ya nchi hizo mbili.

Akizungumza katika mahojiano ya hivi karibuni na Shirika la Habari la China, Xinhua mjini Nairobi, Kenya, Mwencha amesema China na Marekani, kupitia mawasiliano ya kudumu ya viongozi wa ngazi ya juu, zimeweka mazingira ya kudhibiti tofauti zao na kuhimiza ushirikiano, wakati huohuo kujenga mazingira tulivu na yenye kutabirika zaidi ya kimataifa kwa ajili ya amani na maendeleo duniani.

Mwencha amesema ziara za kutembeleana kati ya viongozi wa China na Marekani zinatuma ishara muhimu kwamba, licha ya kuwepo kwa ushindani na tofauti, nchi kubwa bado zinaweza kupata maslahi ya pamoja kupitia mawasiliano ya ngazi ya juu na ushirikiano wa kivitendo.

Anaamini kuwa uhusiano wa kiujenzi wenye utulivu wa kimkakati kati ya China na Marekani unaweza kuchochea zaidi ushirikiano wa kimataifa, na kutoa nafasi kubwa zaidi kwa maendeleo ya nchi za Kusini mwa Dunia zikiwemo za Afrika.