Mkutano wa usafiri wa anga Afrika watoa wito wa ushirikiano wa kina kuimarisha muunganiko wa anga

Viongozi wa sekta ya usafiri wa anga barani Afrika pamoja na watunga sera wametoa wito wa ushirikiano wa kina zaidi wa kikanda katika usafiri wa anga na utekelezaji wa kasi wa Soko Moja la Usafiri wa Anga Afrika (SAATM) ili kukuza mawasiliano barani na kufungua ukuaji wa uchumi.

Shughuli ya 10 ya Mkutano na Maonyesho ya Usafiri wa Anga ya Afrika, inayofanyika kwa siku mbili kuanzia jana katika mji mkuu wa Kenya, Nairobi, umewakutanisha wajumbe 2,500 kutoka zaidi ya nchi 100, ikiwemo wawakilishi kutoka mashirika 135 za ndege na kampuni za usafiri wa anga.

Akizungumza kwenye ufunguzi wa mkutano huo, Waziri wa Mambo ya Nje na Masuala ya Diaspora wa Kenya Musalia Mudavadi ametoa wito kwa nchi za Afrika kuanzisha eneo moja la muungano wa anga ili kukuza biashara, utalii, na uwekezaji chini ya Eneo la Biashara Huria la Afrika.

Katibu Mkuu wa Tume ya Usafiri wa Anga Afrika AdeSewa Adeyemi amezitaka mamlaka za usafiri wa anga wa kiraia barani Afrika kuongeza kasi ya masikilizano ya kanuni na utambuzi wa pamoja wa vigezo vya usalama.