Makamu wa rais wa Tanzania asifu kampuni ya China kwa maendeleo ya ujenzi wa uwanja utakaotumika kwa AFCON 2027

Makamu wa rais wa Tanzania Emmanuel Nchimbi amesifu Kampuni ya Uhandisi wa Ujenzi wa Reli ya China (CRCEG) kwa maendeleo makubwa yaliyofikiwa katika ujenzi wa Uwanja wa Arusha, ambao ni muhimu katika Mashindano ya Kombe la Mataifa ya Afrika (AFCON) 2027.

Taarifa iliyotolewa jana Jumapili na Kitengo cha Mawasiliano katika Ofisi ya Makamu wa Rais wa Tanzania imesema, katika ziara ya ukaguzi, Nchimbi amesifu ubora wa kazi na kasi ya utekelezaji, akisema mradi huo umefikia asilimia 88 na uko katika mwenendo mzuri wa kukabidhiwa ifikapo mwishoni mwa mwezi Agosti, 2026.

Pia amezihimiza mamlaka kuhakikisha kuwa miundombinu ya kuunga mkono, zikiwemo barabara za kufika katika uwanja huo, inakamilika kwa wakati kulingana na agizo la Rais Samia Suluhu Hassan.

AFCON 2027 itaandaliwa kwa pamoja na nchi tatu za Tanzania, Kenya na Uganda, ikiwa ni mara ya kwanza kwa nchi za Afrika Mashariki kuwa wenyeji wa pamoja wa mashindano hayo.